LEHIAKETAREN OINARRIAK
Gamegune 2016 Hearthstone jokoaren mundu-mailako 16 jokalari onenetarikoak gonbidatuko ditu azaroaren 18 eta 19 bitartean 25.200€ saritan irabazteko aukera emanez.
Jokoaren formatua
- Lehiaketaren partida guztiak Bo5 Conquest formatuan jokatuko dira.
- Jokalariko 4 karta-sorta izango dira eta hartatik bat baneatuko da partidak hasi aurretik.
- Partida irabazteko, jokalariak 3 partida irabazi beharko ditu, BAN egin ondoren dauzkan 3 heroitako bakoitzarekin partida bana.
- Jokalari batek karta-sorta batekin irabazten duenean, azken hau ezin izango da partida hori irauten duen bitartean erabili.
- Galtzen duen jokalariak, karta-sorta bera erabiltzen jarraitu ahal izango du edota beste bat erabili.
* Conquest formatua esplikatzen duen bideoa: https://www.youtube.com/watch?v=_hfGtSMPUMg
Lehiaketaren formatua eta araudia
Jokalari guztiek aruadi hau errespetatu eta jarraitu beharko dute.
- Lehiaketa taldeen-fase bat (ostirala 18) + kanporaketa-fase (larunbata 19) batez osatua egongo da.
- Formatu estandarrean jokatuko da.
- Partida guztiak “European region” delakoan jokatuko dira.
- Jokalariak GameguneTV#2823 kanalera gehituak izan daitezke beraien partidak ikusi ahal izateko. Horietako batzu grabatuak eta zuzenean igorriak izango dira.
- Jokatzera inguratzeko deia jaso ondoren, esleitu zaizkien PCetan ireki behar dituzte jokalariek beren kontuak. Kartak hautatzeko pantailan daudela, arbitroari aurkariaren zein karta-sorta baneatu nahi duten esango diote eskenategian badaude, arenan badaude ordea, aurkariaren PCra gerturatu eta karta-sorta seinalatuko dute.
- Berdinketa kasuan, partida karta-pilo bera erabiliaz jokatuko da.
- Kiroltasunez jardun behar dute jokalari guztiek lehiaketa osoan.
- Partida bakoitzaren ostean edota edozein liskar / akats badago, jokalariei screenshotak hartzea gomendatzen zaie, epaitzerakoan antolatzaileon lana erraztu ahal izateko.
Kanporatzeak, tranpak eta debekuak
- Edozein tranpa eginez gero lehiaketatik at geratzea izango du ondorio.
- Debekatuta daukate jokalariek txata eta kanpoko zeinahi gailu erabiltzea partida jokatzen ari diren bitartean. Hori dela eta, "Ekinean" egoera eduki behar dute kontua.
- Ahalik eta lasterren deituko zaie parte-hartzaileei hurrengo txanda jokatzera ingura daitezen. Dagokion partidarako jarritako ordutik hamar minutura iritsi ez den jokalariak galdu egingo du partida (game lost).
- Jokalariek ezingo dute oharrik hartu partida dirauen bitartean.
- Debekatuta dago musika entzutea lehiaketa dirauen bitartean.
Karta-sorten erregistroa
- Jokalari bakoitzak bere 4 karta-sorten irudi bat bidali beharko du E-mail hau spam roboten kontra babestuta dago. JavaScript aktibatuta izatea behar duzu hau ikusteko. azaroaren 13ko 23:59 CET aurretik eta lehiaketan soilik karta-sorta horiek erabili ahal izango ditu.
- Heroi bakoitzeko karta-sorta kopia bat baino ezingo da eraman.
- Jokalariek beraien kontua eta karta-sorta erabili beharko dituzte.
- Jokalariek beraien karta-sortak azaroaren 14tik , astelehena, aurrera argitaratu ahal izango dituzte eta Gamegunek ofizialki azaroaren 15ean, asteartea, argitaratuko ditu.
- Jokalariek ezingo dute bere bildumara sarbiderik egin ezta karta-sortak editatu lehiaketa dirauen bitartean, hala eginez gero partida bat galduko lukete (Sideboard Clause).
Lehiaketaren ordutegia
Ostirala azaroak 18 (Taldeen-fasea)
- 4 jokalariz osatutako 4 talde egingo dira (guztira, jokalari bakoitzeko 3 partida jokatuko dira).
- Talde bakoitzaren 2 jokalari onenak, azaroak 19 larunbateko kanporaketa-fasera pasatuko dira.
- Ordutegia:
16:00 - 1.txanda
17:30 - 2.txanda
19:00 - 3.txanda
Azaroak 19 larunbata (Kanporaketa-fasea)
- Taldeen-faseko 8 jokalari onenak, fase honetan elkarren aurka jokatuko dute.
- Kanporaketa zuzenez jokatuko da, hau da, partida galtzen duen jokalaria lehiaketatik kanpo geratuko da.
- Ordutegia:
10:00 – Final-laurdenak 1
11:30 – Final-laurdenak 2
13:00 – Final-laurdenak 3
14:30 – Final-laurdenak 4
16:00 – 1 Finalaurrekoa
17:30 – 2 Finalaurrekoa
19:00 – Finala
Sariak
Sailkapena |
Saria* |
1. |
12.000€ |
2. |
6.000€ |
3. eta 4. |
3.000€ |
5.etik 8.era |
300€ |
* Dirutan emango diren sariak dagokien zergen kenketa izango dute
Informazio gehigarria
Lehiaketaren oinarri generikoak dira horiek; dena dela, aldaketak egin ditzakete antolatzaileek araudi horretan, lehiaketaren funtzionamendua egokia eta ahalik eta dibertigarriena eta garbiena izan dadin.
Zalantzarik baduzue, helbide elektroniko honetara jo: E-mail hau spam roboten kontra babestuta dago. JavaScript aktibatuta izatea behar duzu hau ikusteko.